ຄະນະ ເສດຖະສາດ ແລະ ບໍລິຫານທຸລະກິດ (ຄສບ) ຕັ້ງຢູ່ວິທະຍາເຂດດົງໂດກ, ອາຄານສະຖານທີ່ເອກະລາດ, ຫ້ອງຮຽນ, ຫ້ອງທົດລອງ, ຫ້ອງຄອມພິວເຕີ, ຫ້ອງອ່ານຄົບຖ້ວນ ແລະ ສວຍງາມ. ອາຈານສອນທຸກຄົນມີປະສົບການສູງ ແລະ ສ່ວນຫຼາຍຈົບການສຶກສາມາຈາກຕ່າງປະເທດ, ມີຫຼັກສູດການຮຽນ-ການສອນຫຼາກຫຼາຍ ເຊິ່ງປັດຈຸບັນມີຫຼັກສູດປະລິນຍາຕີໃຊ້ເວລາຮຽນ 4 ປີມີ 15 ສາຂາ ຄື:
| ລ/ດ | ຫຼັກສູດ | ໜ່ວຍກິດ |
| 1 | ເສດຖະສາດນໍາໃຊ້ | 139 |
| 2 | ເສດຖະສາດການພັດທະນາ ແລະ ວາງແຜນ | 139 |
| 3 | ເສດຖະສາດການເງິນພາກລັດ | 139 |
| 4 | ບໍລິຫານທຸລະກິດທົ່ວໄປ | 140 |
| 5 | ການຕະຫຼາດ | 143 |
| 6 | ການເງິນ ແລະ ການທະນາຄານ | 136 |
| 7 | ການຄ້າ | 139 |
| 8 | ການບັນຊີ | 143 |
| 9 | ການກວດສອບ | 143 |
| 10 | ພາສີ ແລະ ສ່ວຍສາອາກອນ | 140 |
| 11 | ການຄ້າເອເລັກໂຕຣນິກ | 137 |
| 12 | ການລົງທຶນ | 139 |
| 13 | ຄຸ້ມຄອງເສດຖະກິດ | 145 |
| 14 | ເສດຖະສາດການພັດທະນາ ແລະ ວາງແຜນ (ຫຼັກສູດນານາຊາດ ຄະນະວິຊາ ຮັບຜິດຊອບໂດຍກົງ) | 133 |
| 15 | ບໍລິຫານທຸລະກິດ(ຫຼັກສູດນານາຊາດ ຄະນະວິຊາ ຮັບຜິດຊອບໂດຍກົງ) | 150 |
ແລະ ມີຫຼັກສູດຕໍ່ເນື່ອງປະລິນຍາຕີ 1 ສາຂາ ຄື: ສາຂາບໍລິຫານທຸລະກິດທົ່ວໄປ.
ຜູ້ທີ່ຮຽນຈົບບັນດາຫຼັກສູດທີ່ກ່າວມາຂ້າງເທິງນີ້ສາມາດສະໝັກເຮັດວຽກນໍາອົງການຈັດຕັ້ງພາກລັດ, ພາກເອກະຊົນ, ອົງການຈັດຕັ້ງສາກົນຕ່າງໆທີ່ຢູ່ພາຍໃນ ແລະ ຕ່າງປະເທດ ຕາມສາຂາວິຊາສະເພາະຂອງໃຜລາວ, ຫຼື ສາມາດປະກອບທຸລະກິດສ່ວນຕົວໄດ້, ເຊິ່ງໃນປັດຈຸບັນນີ້ສັງຄົມຍັງມີຕ້ອງການບຸກຄະລາກອນທີ່ຮຽນຈົບໃນບັນດາຫຼັກສູດຕ່າງໆເຫຼົ່ານີ້ຫຼາຍ ແລະ ນອກຈາກນັ້ນຜູ້ທີ່ມີຄວາມສົນໃຈຢາກສຶກສາຕໍ່ໃນລະດັບປະລິນຍາຕີ, ປະລິນຍາໂທ ແລະ ປະລິນຍາເອກໃນຫຼັກສູດຕ່າງໆຂອງ ຄສບ ກໍຍັງມີສູງເຊັ່ນດຽວກັນ.ສໍາລັບຜູ້ທີ່ຮຽນຈົບປະລິນຍາຕີໄປແລ້ວສາມາດນໍາເອົາຄວາມຮູ້ໄປໃຊ້ເປັນພື້ນຖານໃນການໄປຮຽນຕໍ່ລະດັບປະລິນຍາໂທ ແລະ ປະລິນຍາເອກຢູ່ຕ່າງປະເທດໄດ້.
ລາຍລະອຽດເພີ່ມເຕີມສອບຖາມໄດ້ທີ່ເບີໂທລະສັບໝາຍເລກ: 021 770067 ຫຼື ເຂົ້າໄປອ່ານລາຍລະອຽດໄດ້ທີ່ Website: www.febm.nuol.edu.la